Kreisbeauftragte für Niederdeutsch

Leve Plattdüütsch Beopdragte an de Scholen,

ik bün af den 1.2.2019 de nege Kreisbeopdragte för Plattdüütsch im Kreis Rendsborg/Eckernför.

Mien Naam is Ina Patjens un ik arbeid an de School Hohe Geest in Hohenwestedt. Dat is en Gymnasium mit Gemeinschaftsschooldeel. Dor ünnerricht ik an de Gemeinschaftsschool Mathematik un Religion. Blangenbi heff ik in de letzten Johren an mien School den Plattdüütschen Lesewettstriet maakt un af un to geev ik en Vertretungsstünn Plattdüütsch. Dat will ik aver geern ännern und wat dorför doon, dat dat Plattdüütsche wedder mehr snackt warrt. Dormit mi dat beter von de Hand gaht, nehm ik in düssen Schooljohr an de Online Fortbildung Plattdüütsch deel un maak dat Zertifikat för Plattdüütsch. Doröver bin ik ünner annern an den Job as Kreisbeopdagte kaam.

De een oder anneren warrt ik seker bald bi de Drapen von de Modellscholen oder bi en anner Gelegenheit över den Weg lopen. Dorop freu ik mi.

Ansünsten kriegt ji von mi af un an Materialien oder Informationen för Plattdüütsch an joon School schickt. Un wenn ji en Fraag hebbt, köönt ji mi ok geern schrieven (natürlich ok op Hochdüütsch!).

Ik freu mi op de Arbeit un den een oder anneren villicht bald kennen to lihren.

Mit velen Gröten

Ina Patjens

(Kreisbeopdragte Plattdüütsch Kreis Rendsborg/Eckernför)